Мат Киатипис доаѓа во Македонија: „Macedonia Takeover – MK in MK" со кошарка, музика и гастрономија пред милионска публика

Од 10 до 15 август 2026 година, Македонија ќе биде домаќин на еден од најатрактивните спортско-културни проекти реализирани во регионот, во организација на „Лолипоп ентертаинмент груп". За првпат во земјава пристигнува светски познатиот изведувач на улична кошарка и еден од највлијателните креатори на кошаркарска содржина во светот, Мат Киатипис (MK — MKIATIPS), како дел од шестдневната турнеја „Macedonia Takeover – MK in MK".

Проектот ги обединува спортот, музиката, културата, гастрономијата и дигиталните медиуми во едно искуство. Киатипис е препознатлив по спектакуларните кошаркарски настапи и милионските прегледи на содржината што ја објавува на социјалните мрежи, како и по соработки со неколку од најголемите светски брендови — позиција што го прави еден од највлијателните амбасадори на современата кошарка и дигиталната креаторска култура денес.

Три града, шест дена содржина

Главната цел на турнejata е преку глобално препознатлив креатор да се претстави Македонија пред светската јавност — како земја со богата култура, традиција, гастрономија, музика и гостопримство. Во текот на шесте дена ќе се создава оригинална содржина за Instagram, TikTok и YouTube, со потенцијал да достигне милиони органски прегледи кај публика ширум светот.

Во рамките на турнejata се планирани три јавни кошаркарски настани — во Скопје (12 август), Куманово (13 август) и Охрид (14 август) — заедно со снимање музички проект, продукција на видеоспот, посета на познати македонски знаменитости и презентација на македонската гастрономија и винска традиција.

Настанот во Скопје ќе се реализира во координација со Кошаркарскиот клуб МЗТ Скопје, кој оваа година одбележува 60 години постоење. Активностите во Куманово ќе се спроведат во соработка со MM Sport, додека настанот во Охрид ќе биде поддржан преку партнерство со Inex Olgica.

Очекувања

Организаторите очекуваат повеќе од 10.000 посетители на трите настани, како и повеќе од 5 милиони органски прегледи на содржините создадени за време на турнejata, со дополнително засилување преку домашни и регионални влијателни личности и медиуми.

Проектот е замислен како прв од ваков тип во земјава, со амбиција да прерасне во годишен меѓународен настан кој ќе привлекува светски познати креатори и спортисти во Македонија.

MKNews Hub · Спорт · 6 август 2026