Мицкоски во Вашингтон: средби со ДФЦ, Тени и Селф за инвестиции и стратешко партнерство
Разговори со американската развојна финансиска корпорација ДФЦ и со членови на Конгресот за енергетика и технологии.
Премиерот Христијан Мицкоски, кој ја предводи владината делегација во работната посета на Соединетите Американски Држави, во Вашингтон оствари серија значајни средби со претставници на американските институции, Конгресот и економскиот сектор.
Меѓу нив, средба со Каролин Вик, главен директор за политики и вршител на должноста главен директор за развој во Американската корпорација за меѓународно финансиско развивање — ДФЦ. Институцијата располага со инвестициски капацитет од 205 милијарди долари и е инструмент на САД за мобилизирање приватен капитал во стратешки сектори, со посебен фокус на енергетика, современа инфраструктура и напредни технологии.
На средбата се разговараше за можностите за продлабочување на соработката и потенцијални инвестиции во Македонија во повеќе области, со акцент на енергетиката и високите технологии.
Мицкоски оствари средба и со конгресменката Клаудија Тени, копретседавач на Македонската група за пријателство во Конгресот на САД, како и со конгресменот Кит Селф, претседател на Поткомитетот за Европа во Комитетот за надворешни работи на Претставничкиот дом. Во разговорите беше истакнато значењето на парламентарната соработка и политичкиот дијалог меѓу двете земји.
„Серијата средби во Вашингтон претставува продолжување на заложбите за зајакнување на стратешкото партнерство со САД, но и за негово преточување во конкретна економска соработка, нови инвестиции и проекти од интерес за нашата држава“, соопшти Владата.
MKNews Hub · Свет · 18 септември 2026